Venres 24 Mai 2013

Integrantes do grupo

  • imprimir

  • Inma Gil Rosendo

    Xornalista multimedia, traballa en Londres para o Servizo Mundial da BBC dende 2004 cubrindo noticias internacionais. Fixo reportaxes en Iraq, Cisxordania, Estados Unidos e Ecuador, entre outros países, e foi correspondente en México durante 2010. Naceu en Vigo en 1978 e estudou Ciencias da Información na Universidade de Santiago de Compostela. Vive no Reino Unido dende 1999.

  • Eva Moreda

    A Veiga (Asturias), 1981. Viviu en Londres dende 2006, despois de pasar por Italia e Alemaña. Dende setembro do 2012 vive en Glasgow. Como novelista, a súa obra acadou recoñecementos como o premio Terra de Melide de Novela (A Veiga é como un tempo distinto, Xerais, 2011) ou o premio Narrativas Quentes (Organoloxía, Edicións Positivas, 2010). Como musicóloga, especialízase na historia política da música baixo o Franquismo e no exilio; tras obter o doutoramento na Universidade de Londres, traballou na Royal Academy of Music e na Open University, e actualmente faino na Universidade de Glasgow.

  • Susana Malleiro Vázquez

    Nacida no 1971 na cama da súa bisavoa. En 1995 mudou os aires de Vigo polos de Londres, onde leva xa case unha década traballando para o London Underground. En Vigo estudou Informática de Xestión, Inglés, Francés, Italiano e Portugués. En Londres estudou Belas Artes, Deseño e Fotografía.

  • Melissa Caramés Asorey

    Vila de Cruces, 1978. Leva máis de seis anos vivindo en Londres, a onde chegou, tras estudar Ciencias da Información e traballar na  TVG durante catro anos, para facer realidade un soño: aprender inglés. Neste tempo desempeñou diversos traballos de atención ó cliente e na actualidade é recepcionista nun bloque de oficinas.

  • Adriana Páramo Pérez

    Naceu en Vigo en 1985. Despois de licenciarse en Comunicación Audiovisual na Universidade de Santiago de Compostela, chegou a Londres en 2007 para estudiar un máster en dirección de cine na London Film School. Graduouse como directora coa curtametraxe Illa Pedra, acadando premios  no Bragacine (Portugal) e o Festival Internacional de Ourense. Tamén participou en rodaxes, como operadora de cámara,  en Italia e Marrocos, entre outros países.

  • Teresa Barro

    Naceu na Coruña en 1936 e estudou Filosofía e Letras en Santiago e na Universidad Central de Madrid. Viviu en Londres de 1964 a 2008, ano no que se trasladou a Lancaster. Foi cofundadora do Grupo de Traballo Galego de Londres en 1970. É tradutora nunha organización internacional e ensinou tradución en cursos de posgrao de dúas universidades londinenses. Ten publicados varios libros de ensaio (Cartas a Rosalía, Introducción á Astroloxía, Dentro e Fóra) e traducións (Contos de Andersen, Alicia no País das Maravillas, Alicia do outro lado do espello, Fábulas de Ésopo). Á tradución de Alicia no País das Maravillas, feita en colaboración con Fernando Pérez-Barreiro Nolla, concedéronlle o premio nacional de tradución de libros xuvenís do Ministerio de Cultura de Madrid en 1985. É correspondente da Real Academia Galega dende 2002.

  • Raimundo Vázquez Villaverde

    A Coruña, 1969. Vive en Londres dende o ano 1995. Licenciado en Ciencias da Información na Universidade Complutense de Madrid, traballa actualmente como deseñador e productor de proxectos dixitais e de comercio electrónico.